HISTÒRIA

...
O somnalipen khangerǎqo anɵar-I arpadǎnon epoka kerdǎs pes anɵ-o dujto rig e śeliberśesqi XII-to pe ćaći rig nesave angalǎqo e lenǎqe Mureś e vajsavesqo xaxoj p-o vaxt e Hungarǎqe thagaresqo Geza o II-to (1141-1161), tha I śerutni khangerǎqi rig vaxtesɵe o rajipen o Bela o IV-to (1235-1270).
1319
Ojekhto atestacǎqe lila prinƷande palal Farfulovo datisaren pen anɵar-o 14 decembro 1319 thaj anklel sar Feelfolu anɵar-o theripen e Losonczy Dezső, lesqo ćhavo xudel e Farfulovosqo theripen.
1427
K-o 13 decembro 1427 o Losśonczy Dezsőfi Janos xunǎs o mukhipen katar o papa Martin o IV-to te kerel jekh khangeri thaj franciskani religǎqi institucǎ pativǎqe o Sf. Mihail p-o akanutno limorosqo than. E religǎqi institucǎ nikerdǎs Ʒi berśesɵe 1540.
1595
Inke berśesɵe 1525 o katolikon raśaj anɵar-o Farfulovo sasas dośalǎrdo reformaɵar. E reformaton khangeri anɵar-o Farfulovo sasas lipardi anɵ-e xramosarimata śirdindoj e berśenҫa 1595. Anɵar kadava perǒda nikerdǎs e purani kampana avri unkadi uzosɵar e bustoҫa e thagaresqo Rudolf o II-to isindoj o avutno xramosaripen "Spes mea est Cristus 1598".
1658
E tǎtǎrǎnqi ivazǎ anɵar-o berś 1685 kerdǎs bari mosarimata thaj xasarimata.O tǎtarǎ andre phangle e gavutnen khangeraǎɵe thaj dine jag khangerǎqe. Kodola nesave oprerivdisarde, save xastalde garuvdepen anɵ-e paśal veśa, parunde penqe mulen anɵ-e jekh khetanutno limoro ande khangerǎqi ber.
1722
K-o Susenǎ e śkolutne sikavipnasqo śirdipen datinel pes anɵ-o jekhto paś e śeliberśesqo XVIII-to. E protestanton śkola sasas organizisardi anɵ-o berś 1722. Laqo gatovipen sasas elementaron cara śkolutne maśkar e uśtavdenqe ćhavorre.
1727
E grekikani-katolikon onorǎ anɵar-o Farfulovo kerdǎs pes anɵ-o berś 1727, vaxtesɵe o episkopo Inocențiu Micu-Klein, isindoj les sar raśaj o Petru.
1824
Śirdindoj e berśenҫa 1824 e onorǎ grekikani-katolikon anɵar-o Susenǎ sasas la jekh śkola anda-jekh kaśtutno kher.
1895
Anɵa 1895 kerdǎs pes andar barra e nevi grekikani-katolikon khangeri.
1913
Anɵa 1913 kerdǎs pes e nevi reformaton khangeri paśal o śerutno drom.
1924
Paśmilajesɵe e berśesqo 1924, vaxtesɵe e argilǎqi eksploatacǎ anɵar-I mina paśal e teglenqi fabrika arakhlǎs pes jekh bronzutno depozito anɵar-o śeliberś XII anglal amari era. O maj śukar maśkar o saste misaja fibula (brośa) savi kerdǎs jekh simbolo vaś o Źudeco Mureś, avelindoj anɵar-o berś 1998 pe źudecosqi stema thaj anɵar-o berś 2011 pe stema komunǎqi Suseni.
1968
Panda thanutni administracǎqi kris 2/1968 kerdǎs pes e komuna Suseni anɵ-o Źudeco Mureś, nikeripnasqe e gavenҫa Farfulovo thaj Lujero e komunaqo kendro isindoj o Farfulovo.
2019
O Farfulovo pherel 700 berś katar o jekhutne lilenqi atestacǎ.
Kövess minket!
Kövess minket!